یا مصطفیٰ خیرالوریٰ تیرے جیا کوئی نہیں
یا مصطفیٰ خیرالوریٰ تیرے جیا کوئی نہیں
کینوں کہواں تیرے جیا،تیرے جیا کوئی نہیں
تیرے جیا سوہنا نبی لبھاں تے تاں جے ہوے کوئی
سانوں تے ہے ایناں پتہ تیرے جیا کوئی نہیں
اقصیٰ دے وچ آقا میرے پڑھ کے نماز پیچھے تیرے
نبیاں نے وی ای کہیا تیرے جیا کوئی نہیں
گودی چہ لے کے سرکار نوں سوہنے مٹھل منٹھار نوں
آکھے حلیمہ سعدیہ تیرے جیا کوئی نہیں
منمونیاں نبی سونیاں قرآن ہے تیرا نعت خواں
عرب و عجم دے والیا تیرے جیا کوئی نہیں
ہوے فقیر یا بادشاہ بھاویں گدا نیازی جیا
سب کھاندے نیں صدقہ تیرا،تیرے جیا کوئی نہیں
