تیرا کھاواں میں تیرے گیت گاواں یارسول اللہ
تیرا کھاواں میں تیرے گیت گاواں یارسول اللہ
تیرا میلاد میں کیوں نہ مناواں یا رسول اللہ
حلیمہ گھر کدی ویکھے کدی سرکار(صلی اللہ علیہ وسلم)نوں ویکھے
میں کیہڑی سیج تیرے لئی سجاواں یارسول اللہ
میں کج وی نیں جے تیرے نال میری کوئی نسبت نہیں
میں سب کج ہاں جے میں تیرا سداواں یارسول اللہ
جگاؤ بھاگ میرے وی ابو ایوب دے وانگوں
مقدر اُس دا میں کتھوں لیاواں یارسول اللہ
میرا دل وی چاوہندا اے میرے گھر وی تُسی آؤ
تیری راہوں دے وچ پلکاں وچھاواں یا رسول اللّٰہ
کوئی تعریف ہوے اوس سوہنے دی ظہوری وی
قلم جامی جیا کتھوں لیاواں یارسول اللہ
