Illahi Teri Chaukhat Pr Bhikhari Ban Ke Aya Hoon Hamad Lyrics
Ilahi Teri Chaukhat Pr Bhikhari Ban Ke Aaaya Hoon,,,
Sarapa faqr Hoon,,,, ijz-o-nedamat saath laya Hoon,,,
Bhikhari wo ke jiske paas jholi hai na pyala hai
Bhikhari wo jise hirs-o-hawas ne maar dala hai
Mataa-e-deen-o-danish nafs ke hathon se lutwa kr
Sukoon-e-qalb ki daulat hawas ki bhent chadhwa kar
Luta kar sari poonji ghaflat-o-isyaan ki daldal me
Sahara lene aya Hoon,,,tere kaabe ke aanchal me
Gunahon ki lipat se qaynat-e-qalb afsurda,
Irade muzmahil,himmat shikasta,housla murda
Kahan se laaun taqat dil ki sachhi tarjumani ki
ke kis jhanjhal me guzri hain ghadiyan zindgani ki
Khulasa ye ke bas jal bhun ke apni roo-siyahi se
Sarapa faqr ban kr apni halat ki tabahi se
Tere darbar main laya Hoon,,, apni ab zaboon-hali,
Tari chockat ke laayaq har amal se hath hain khali
Ye tera ghar hai tere mehr ka darbar hamaula
Sarapa noor hai ek muhabbat-e-anwaar hai maula
Tari chockat ke jo adab hain main un se khali Hoon,,,
Nahi jisko saleeqa mangne ka wo sawaali Hoon,,,
Zuban ghalt-e-nedamat dil ki nakas tarjumaani per
Khudaaya raham meri iss zabaan-e-ijz-zabani par
Yeh ankhain khushk hain, yaa rab inhe rona nahi aata
Sulagte daag hain dil main,jinhen dhona nahi aata
Ilahi teri chockat pe bhikari ban ke aya Hoon,,,
Sarapa faqr Hoon,,, ijz-o-nedamat saath laaya Hoon,,,
