اک میں ہی نہیں ان پر قربان زمانہ ہے
اک میں ہی نہیں ان پر قربان زمانہ ہے
جو رب دو عالم کا محبوب نرالا ہے
کل جس نے ہمیں پل سے خود پار لگانا ہے
زہرا کا وہ بابا ہے حسنین کا نانا ہے
عزت سے نہ مر جائیں کیوں نام محمد صلی اللہ علیہ وسلم پر
یوں بھی کسی دن ہم نے دنیا سے تو جانا ہے
سو بار اگر توبہ ٹوٹی بھی تو کیا حیرت
بخشش کی روایت میں توبہ تو بہانہ ہے
گنبد پہ نگاہیں جنت کی ہوائیں ہیں
جلوے بھی انوکھے ہیں منظر بھی سہانا ہے
محروم کرم اس کو رکھیے نہ سر محشر
جیسا ہے نصیر اخر سائل تو پرانا ہے
اک میں ہی نہیں ان پر قربان زمانہ ہے
اک میں ہی نہیں ان پر قربان زمانہ ہے
