وہ جس کے لیے محفل قونین سجی ھے
فردوس بریں جس کے وسیلے سے بنی ہے
وہ ہاشمی مکی مدنی العربی ہے
وہ میرا نبی میرا نبی میرا نبی ہے
احمد ہے محمد ہے وہی ختمِ رُسل ہے
مخدوم و مربیٰ ہے وہی والیٔ کل ہے
اُس پر ہی نظر سارے زمانے کی لگی ہے
وہ میرا نبی میرا نبی میرا نبی ہے
اللہ کا فرمان الم نشرح لک صدرک
منسوب ہے جس سے ورفعنالک ذکرک
جس ذات کا قرآن میں بھی ذکرِ جلی ہے
وہ میرا نبی میرا نبی میرا نبی ہے
والشمس الضحیٰ چہرءانور کی جھلک ہے
والیل سجی گیسوئے حضرت کی لچک ہے
عالم کو ضیاء جس کے وسیلے سے ملی ہے
وہ میرا نبی میرا نبی میرا نبی ہے
کسی درجہ زمانے میں تھی مظلوم یہ عورت
پھر جس کی بدولت ملی اسے عزت و رفعت
وہ محسن و غم خوار ہمارا ہی نبی ہے
وہ میرا نبی میرا نبی میرا نبی ہے
