کبھی مایوس مت ہونا
امیدوں کے سمندر میں
طلاطم آتے رہتے ہیں
ںسفینےڈوبتے بھی ہیں
سفر لیکن نہیں رکتا
مسافر ٹوٹ جاتے ہیں
مگر ملاح نہیں تھکتا
سفر طے ہو کے رہتا ہے
کبھی مایوس مت ہونا
اندھیرا کتنا گہرا ہو
کبھی مایوس مت ہونا
خدا واقف ہے ناظر بھی
خدا ظاہر ہے باطن بھی
وہی ہے حال سے واقف
وہی سینوں کے اندر بھی
مصیبت کے اندھیروں میں
تمہیں گرنے نہیں دیگا
کبھی مایوس مت ہونا
کبھی مایوس مت ہونا
اندھیرا کتنا گہرا ہو
کبھی تم مانگ کر دیکھو
تمھاری آنکھ کے آنسو
یونہی ڈھلنے نہیں دیگا
تمھاری آس کی گاگر
کبھی گرنے نہیں دیگا
ہوا کتنی مخالف ہو
تمہیں مڑنے نہیں دیگا
کبھی مایوس مت ہونا
وہاں انصاف کی چکی
ذرا دھیرے سے چلتی ہے
مگر چکی کے پاٹوں میں
بہت باریک پستا ہے
تمہارے ایک کا بدلہ
وہاں ستر سے زیادہ ہے
نیت تلتی ہے پلڑوں میں
کبھی وہاں مایوس مت انا
کبھی مایوس مت ہونا
اندھیرا کتنا گہرا ہو
