Sayed Nay Karbala Main Waday Nibha Diye Hain Lyrics
سید نے کربلا میں وعدے نبھا دیے ہیں
دین محمدی کے گلشن کھلا دیے ہیں
بولے حسین مولا تیری رضا کی خاطر
ایک ایک کر کے میں نے ہیرے لٹا دیے ہیں
دین نبی پہ واری اکبر نے بھی جوانی
عباس نے بھی اپنے بازو کٹا دیے ہیں
زینب کے باغ میں بھی دو پھول تھے مہکتے
زینب نے وہ بھی دونوں راہ خدا دیے ہیں
زہراء کے ناز پالے پھولوں پہ سونے والے
کربل کی خاک میں وہ ہیرے لٹا دیے ہیں
اک بچ گیا بھا غنچہ اس کو بھی پیش کر کے
سید نے جھاڑ کے یوں دامن دکھا دیے ہیں
شبیر کی ہی ایسی پر درد داستاں ہے
دل پتھروں کے واللہ جس نے ہلا دیے ہیں
بخشش ہے اس کی لازم سید کے غم میں حافظ
دو چار آنسو رو کر جس نے بہا دیے ہیں
